Rheolaeth Fasnachol. Rheoli Contractau. Datrys Anghydfod.
Gwasanaethau Busnes
Datrys Anghydfod
Y gefnogaeth, hyfforddiant a’r offer a medrau rydych eu hangen, i’ch helpu i reoli a chyd-drafod contractau’n effeithiol.
Mae contractio masnachol yn cwmpasu deall contract yn ei gyd-destun masnachol yn ei gyfanrwydd, a thrwy gydol y cylch oes contractio – o ddatblygu’r cynnyrch neu wasanaeth, hyd at arwyddo’r contract, cyflawni a chwblhau. Gallwn ddarparu cefnogaeth, hyfforddiant, ac offer a medrau ar gyfer eich busnes, a fydd o gymorth i chi wrth gyd-drafod telerau contract addas, a rheoli risgiau cytundebol drwy gydol y cylch oes contractio, a hynny drwy gyfrwng ein fframwaith pum cam syml.
CAM UN
CYSYNIADU
Cyflwyno cynnyrch neu wasanaeth i’r farchnad. Yr allwedd i fasnacheiddio cynnyrch neu wasanaeth yn llwyddiannus yw, deall y cynnyrch a’i farchnad.
CAM DAU
ENNILL CONTRACTAU
Datblygu’ch achos busnes, deall anghenion eich cwsmeriaid, creu cynigiadau a pharatoi ar gyfer cyd-drafodaethau.
CAM PEDWAR
GWEITHREDU A CHYFLAWNI
Rheoli perfformiad, risg a chyflawniad y contract.
Mae sefydliadau’n wynebu’r un risgiau masnachol a chytundebol beth bynnag fo’u maint.
Ein bwriad yw cefnogi busnesau i ddatblygu’r sgiliau sydd eu hangen arnynt i gyd-drafod, ennill, a rheoli contractau’n effeithiol. Mae gan fusnesau mwy o faint, yn aml, Arbenigwr Contractau a Rheolwyr Masnachol mewnol, neu Gyngor mewnol, sy’n gallu helpu a’r rheolaeth fasnachol a’r broses gontractio. Mae busnesau llai a busnesau sy’n datblygu, yn aml yn cael eu cyfyngu gan ddiffyg adnoddau a mynediad at gymorth arbenigol.
Rydym yn pontio’r bwlch hwnnw. P’un a ydych yn fusnes llai o faint sy’n datblygu eich gallu masnachol am y tro cyntaf neu’n rheoli trefniadau llywodraethu ar draws portffolio mawr a chymhleth, rydym yn darparu’r cymorth, yr hyfforddiant a’r adnoddau i’ch helpu i adnabod a rheoli risgiau cytundebol yn hyderus.
Astudiaethau achos
Fframwaith llywodraethu ar gyfer contractau
Yr Her
Nid oedd gan gontractwr rhyngwladol, a oedd yn rheoli portffolio mawr o gontractau rhyngwladol hirdymor, fframwaith llywodraethu cyson ar waith ar draws y portffolio. Roedd arferion masnachol yn amrywio rhwng contractau a rhanbarthau, gan gynyddu’r risg o ganfyddiadau archwiliad a’i gwneud yn anodd i aelodau newydd o’r tîm ymgyfarwyddo’n gyflym â’r safonau disgwyliedig.
Ein Dull
Fe wnaethom gynnal adolygiad diagnostig strwythuredig ar draws y timau masnachol, cyllid a chyflenwi i ddeall sut roedd contractau’n gweithredu yn ymarferol, yn hytrach na sut yr oeddent i fod i weithredu. Yn sgil hynny, fe wnaethom greu fframwaith llywodraethu pwrpasol, cyfres o dempledi safonol, llawlyfr prosesau a phecyn hyfforddi – pob un yn adlewyrchu dulliau gwaith gwirioneddol y cleient, yn hytrach na gorfodi model generig i gyd-fynd â’u gofynion.
Y Canlyniad
Bellach, mae un fframwaith llywodraethu cyson yn cael ei ddefnyddio ar draws holl bortffolio contractau’r cleient, gyda deunyddiau hyfforddi ar waith i sicrhau ei fod yn cael ei wreiddio wrth i dimau dyfu.
Sail trafodaethau ar gyfer is-gontractwr
Yr Her
Roedd is-gontractwr i brif gontractwyr yn wynebu pwysau parhaus i dderbyn telerau masnachol a oedd yn deillio o gontractau’r cleient terfynol, heb ffordd gyson o wahaniaethu rhwng rhwymedigaethau na ellid eu trafod a thelerau a oedd, mewn gwirionedd, yn agored i drafodaeth. Roedd pob contract newydd yn golygu adolygiad cyfreithiol newydd a chostus i benderfynu beth oedd yn perthyn i ba gategori.
Ein Dull
Rydym wedi datblygu un sail ar gyfer trafodaeth sy’n cwmpasu’r prif themâu sy’n codi dro ar ôl tro yng nghontractau’r cleient – atebolrwydd, eiddo deallusol, telerau talu ac eraill – gan osod safbwynt delfrydol, safbwynt wrth gefn a’r pwynt tynnu’n ôl, gan alluogi contractau i gael eu hadolygu a’u trafod heb fod angen adolygiad cyfreithiol llawn bob tro.
Y Canlyniad
Gyda’r sail honno yn ei lle, mae’r cleient yn gallu prisio, yswirio neu reoli risg fasnachol yn weithredol, yn hytrach na’u trafod gymal wrth gymal ym mhob contract newydd.
Ein Mewnwelediadau
